Ашытылы кекс дайындау технологиясы.


Күні: 14.12.2017ж
Пән аты: Өндірістік оқу
Тақырыбы: Ашытқылы кекс дайындау технологиясы.
Сабақтың мақсаты:
Білімділік: Ашытқылы кекс дайындау технологиясы практикалық әдіспен көрсету, теориядан алған білімдерін пысықтау, нақты өз ойларын ашық, айқын айта білуге, материалды жауапкершілікті болуға білімдерін арттыру.
Дамытушылық: Кәсіптік икемдері мен талаптарын жетілдіру, аспазшы мамандығы бойынша қызығушылығын тудыра отырып, шығармашылық қабілетін, білім қажеттілігі мен іскерліктерін дамыту.
Тәрбиелік: Еңбек орнын таза ұстауға, жұмысты тез орындауға, шикізат пен қажетті құрал-жабдықтарды дұрыс пайдалана білуге, азық-түлікті үнемді пайдаланып, сапалы өнім алуға тәрбиелеу. Техника қауіпсіздігі мен санитария, гигиена ережелерін сақтауға тәрбиелеу.
Жабдықтар: өндірістік үстел, электрлі қуыру шкафы, ыдыстар.
Сабақтың түрі:өндірістік сабақ
Сабақтың әдісі: түсіндіру, практикалық әдіспен көрсету, СТО технологиясы.
Пәнаралық байланыс: «Азық-түлік тауарларын тану», «Тамақ дайындау технологиясы»
Сабақ көрнекілігі: слайд, плакат, нұсқау карта
Сабақ барысы:
І. Ұйымдастыру кезеңі.
Студенттердің сабаққа қатысуын, арнайы киімдерін, сыртқы көрінісі мен сабаққа дайындығын тексеру.
ІІ. Үй тапсырмасын қайталау.
Студенттер екі топқа бөлініп, алған білімдерін ортаға салады. Әр топ өз команда атымен таныстырады.
«Дәстүр» тобы
«Ынтымақ» тобы
«Миға шабуыл» әдісі
Ашытылған қамырды бөлудің түрлері қандай?
Ашытылған қамырдан ұсақ өнімдерді қандай температурада пісіреді?
Ватрушканың ішіне не салады?
Қамырды дайындау процесі қандайоперациялардан тұрады?
Бәліштің сапасына қойылатын талаптар?
Ашық, пирогтардың сапасына қойылатын талаптары қандай?
Қамырды не үшін «басып» отыру қажет?
ІІІ. Жаңа сабақ.
Кекстің тарихы негізінен ХVІ ғасырдан Рим Империясынан бастау алады. Артынан рецептісі барлық Европаға таралды деседі. Біздің елімізде де кекстерді кеңінен қолданады.
Кекс- дәмдеуіштер, цукаттар, мейіз және т.б. заттар қосылып майқоспа қамырдан пісірілетін бөлке немесе шағын нан. Кекс- бисквитті, ашытқылы және ашытқысыз болып бөлінеді.
Кекс-жай және күрделі болып бөлінеді. Жай кекске жұмыртқа, секер, маргарин, қаймақ, ашытқы қосып дайындайды. Ал, күрделі кекске қосымша заттар қосылады, яғни цукаттар, какао, джем, мейіз, әр-түрлі дәндер қосылып жасалады.
Біздің бүгінгі ашық сабағымыздың тақырыбы: Ашытқылы кекс дайындау технологиясы.



Сапасына қойылатын талаптары: Дәмі мен иісі жаңа даярланған өнімге тән, ваниллиннің хош иісі шығып тұрады. Түсі қоңыр-қызыл, консистенциясы жұмсақ болуы керек.
Тағамымызды жасамас бұрын қауіпсіздік ережесін қайталап алайық. Ереже дәптеріне қол қою.
ІV. Ағымдағы нұсқау.
Екі топ оқытушының нұсқауымен ашытқылы кекс жасауға кіріседі. Әр команда нұсқау карта бойынша шикізатты алып , түсініктеме берілуі тиіс.
Жұмбақ шешу
Алға жайып тұз-дәмін,
Келтіреді үй сәнін.
Ол халқымның ақ жаны,
Жақсы дәстүр маржаны,
Кеңпейіл де арайлы,
Осы жерден тарайды.
(___________)
Мұз сынды түрі,
Тәтті дәмнің бірі.
(___________)
Кішкене ақ шыныда екі түрлі су.
(___________)
Былқ-былқ, былқ семіз,
Қабырғасы жоқ семіз.
(___________)
Мақал-мәтелдер.
Ас атасы -(___________)
Тату үйдің –тамағы (___________)
Таңғы асты (___________)
Қарны аштың ақылы астан әрі (___________)
Өле жегенше, (___________)
V . Қорытындылау.
Кекстің тарихы қай елден бастау алады?
Кекстің қандай түрлері бар?
Жай кекске қандай заттар қосылады?
Күрделі кекске қандай заттар қолданылады?
Кексті жасау сатысы?
VІ . Қорытынды нұсқау.
Жақсы жұмыстарға тоқталып, мадақтап көрсету. Студенттердің жұмыстарын бағалау, сараптама жасау. Жұмыс орындарын жинау.
VІІ. Үйге тапсырма:
Ашытқылы кекс дайындау технологиясы

Приложенные файлы


Добавить комментарий