Урок по крымскотатарскому языку 2 класс (внеурочная деятельность)


2 сыныфКъырымтатар тили
Мевзу. Сёзлерни сатырдан сатыргъа авуштырув.
Макъсат. Сёзлерни эджаларгъа болюв, сатырдан сатыргъа авуштырмагъа, догъру ве дюльбер язмагъа огретюв.
У.О.Ф. Предмет нетиджелери. Къырымтатар элифбесининъ хусусиетли арифлерини текрарламакъ, бильгилерни арттырмакъ, суаллерге догъру ве толу джевап берювни талап этмек.
Метапредмет нетиджелери. Дерснинъ эсас меселесини, догъру язувыны анълатмакъ.
Шахсиет нетиджелери. Талебелернинъ ишлерине къыймет кесмек, бааламакъ, дерсте ишбирлик этмек, ана тилимизге севги ашламакъ.
Корьгезме: джедвеллер, карточкалар, ресимлер.
Эпиграф: «Лафны тюшюнип айт». (аталар сёзлери)
Дерснинъ кетишатыТешкилий къысым, нутукъ инкишафы дакъкъасы.
Талебернинъ бильгилерини актуаллештирюв. Талебелер тахтагъа чыкъып, сёзлер язалар, эджаларгъа болелер.
Дерснинъ мевзусыны мотивлештирюв.
Бакъынъыз, язгъан сёзюнъиз сыгъмай, не япмакъ керек?
-Сыгъмагъан къысымыны дигер сатыргъа авуштырмакъ керек: сы-ныф, ма-са, та-ле-бе, та-тиль, дерс-лик.-Оджа. Догъру. Авуштырдынъыз. Неге эсасланып авуштырдынъыз?(-эджаларгъа)
-Келинъиз энди сёзлерни эджаларгъа авуштырмакъ ичюн болейик.-Оджа (болюнмей, чюнки къырымтатар тилинде дж бир ариф деп эсаплана.Эджагъа болюне (о-джа, о-къуй), лякин авуштырмакъ олмай.
(Талебелернен берабер болемиз, талиль этемиз ве къаиде тюземиз).
Раатлыкъ дакъкъасы.
Пекитюв.
Оджа. 1.Даа насыл хусусиетли арифлерни билесинъиз?
(къ, гъ, нъ)
Мисаллер: богъ-дай, де-нъиз, къар-гъа, къа-рыл-гъач, пен-дже-ре.
Де-нъиз, коль-ге, чел-лер.
Мустакъиль иш. Дерсликнен чалышув. С. 44, 79 мешгъулиет.
Рефлексия.
Оджа. Сагъ олунъыз, балалар. Мен бугунь пек мемнюм олдым. Яхшы чалыштыкъ.
-Бугунь дерсте биз нени огрендик?
-Бугунь насыл мевзуны кечтик?
-Бугуньки бильгинъиз не ерде керек олур?
-Даа нелер бильмеге истейсинъиз?
-Бир-биринъизге баа къойып, тешекюрлеринъизи бильдиринъиз.
Эв вазифеси. 10 сёз Ватан акъкъында язынъыз, сатырдан сатыргъа авуштырмакъ ичюн эджаларгъа болюнъиз.
Дерсни ишлеген:
Асанова Фатма ОсмановнаМБУМ 33-санлы мектебининъ къырымтатар тили ве эдебиятынынъ I категориялы оджасы

Приложенные файлы


Добавить комментарий